on.cc東網及港台電視32直播香港U23擺擂台挑戰傑志

今日「中銀人壽香港超級聯賽」於將軍澳運動場上演的尾場，由香港U23主場挑戰傑志。香港U23希望踢出爭氣波，縮窄實力差距；傑志為求贏波上榜首，自必全力以赴，隨時再上演「大屠殺」，球迷萬勿錯過。（on.cc東網及港台電視32周六晚6時直播）

香港U23至今仍未打開勝利之門，今場與傑志交手，主教練司徒文俊坦言對手實力強橫，希望球隊盡力發揮水準：「傑志打得『亞冠盃』，有好多高質球員，絕對係支好強嘅隊伍，我哋會盡力做足準備，希望各方面可以做好啲。」惟「司徒Sir」透露宋紘毅等球員有傷在身，令球隊可用之兵源減少。

袁世傑積極面對不畏懼

翼鋒袁世傑認為傑志攻力強大，指球隊務必保持防守紀律性，並嘗試把握反擊機會製造威脅。「藍鳥」今季曾數次大勝對手，但「世傑」表示會積極面對，不會感到畏懼：「自己落場除咗爭取入波同助攻，都要鼓勵隊友用正面態度抗衡對手，希望畀所有球隊甚至球迷知道，我哋係有能力挑戰列強。」

傑志上場擊敗標準流浪重拾勝軌，總監兼主教練朱志光大讚球員表現有進步，進攻上顯得更有耐性。「藍鳥」實力雖佔優，惟「朱Sir」指是役絕不能輕敵：「無論對任何對手，都係要打好自己，希望攞到主導權，對手活力同鬥志唔使懷疑，年輕球員落到場都想爭取表現，畀人留意到。」另外經歷早前連場大戰後，「朱Sir」透露巴爾拿及米基爾今場或會缺陣。

查理史葛目標踢足全場

中場查理史葛開季狀態不俗，貢獻3入球1助攻，可惜之後因腳傷休養了5星期，直至上場對標準流浪才傷愈復出，他坦言對今場十分期待：「好開心能夠重返球場，希望可以再踢足90分鐘，等自己適應番個比賽節奏，同埋改善狀態，當然最重要係幫到球隊贏波。」文：李浚湣