和富大埔火併港會鬥硬淨

大埔過去兩場聯賽均保持不敗，包括去役靠保連奴臨完場前的入球，逼和標準流浪，主教練李恆匯認為戰果對球隊士氣有正面影響。對手港會今季表現大有改進，「匯Sir」預計今場戰況會非常緊湊：「港會今季聯賽做得好好，尤其防守相當硬淨，我哋同港會都會係『55波』，唔會有任何優勢。」他透露今場或會調整陣容，為月尾兩軍聯賽再交手作預演，至於早前因傷倦勤的馮冠鳴已經康復，今場有望重返大軍名單。

港會上場繼續有驚喜演出，於港超賽和冠忠南區，開季各項賽事7戰僅曾一敗，令人眼前一亮。今日在「菁英盃」與和富大埔交手，主教練東尼咸美頓（Tony）稱對方有一定實力，會為港會帶來麻煩：「我喺開季之後，睇咗大埔幾場比賽，見到佢哋每場都有好大進步，有能力對我哋造成威脅，今場唔易應付。」Tony又提到可能會藉「菁英盃」作輪換，讓年輕球員上陣，令主力球員獲得休息。

文：林卓臻