標準流浪傑志蓄銳駁火

「中銀人壽香港超級聯賽」今日上演第二周補賽，標準流浪於主場斧山道運動場迎戰「藍鳥」傑志。流浪至今在聯賽仍未開齋，而傑志剛戰亦遭逢今季首場敗仗，兩隊為求反彈，定必使出渾身解數，球迷等睇好波。（on.cc東網、港台電視32周日下午3時直播）

標準流浪上場被和富大埔臨完場前一刻逼和，技術顧問米路認為球隊屬表現較佳一方，對未能獲勝感到失望。流浪暫時聯賽3戰未嘗一勝，米路希望球隊今場能夠擊敗傑志，藉此提升士氣及信心，但強調絕非易事：「傑志啱啱輸完畀理文，今場一定落足力，令我哋更加難踢；不過變相令佢哋壓力增加，始終我哋陣中有唔少具經驗球員，絕對有力同對手抗衡。」

林嘉緯望盡快提升狀態

流浪隊長兼中場主力林嘉緯，坦言不滿自身近期表現：「之前對晉峰撞傷肋骨，一直負傷上陣，點都有影響，不過狀態都需要提升。」是役倒戈傑志，「嘉緯」大讚對手實力強勁、板櫈深度出眾，表示流浪會先專心做好防守，並嘗試箝制明加索夫，再伺機反擊。

傑志上場惜負理文，今季各項賽事錄得首敗，總監兼主教練朱志光表示可令球隊認清弱點，深信陣中球員身經百戰，很快可以作出調整。今日作客斧山道，「朱Sir」承認球場或不利己隊進攻，但認為對手不會刻意死守：「斧山道係窄咗啲，加上可能會好大風，較難破密集，不過流浪唔會踢消極足球，你叫『嘉緯』、『均宜』縮晒喺後面，吓吓大腳踢走，佢哋做唔到。」

費蘭度改踢翼衞冇問題

今季重返傑志的費蘭度，近仗改任左翼衞，他指適應上未有太大問題：「之前都踢過呢個位置，踢落好舒服，當然仲有嘢要改善，但整體都滿意。」「藍鳥」上場不敵理文，費蘭度笑言這就是足球，今場希望有更佳發揮。

文：李浚湣