on.cc東網直播激戰打孖嚟

今日「菁英盃」上演兩場分組賽，頭場有B組東方於青衣運動場再鬥晉峰，兩軍今季第3度交手，隨着艾斯達維重掌晉峰帥印，戰況隨時出現變數；尾場A組大戰由冠忠南區火併理文6時鳴笛，兩軍為延續分組賽強勢，定必傾力求勝，激戰可期。（on.cc東網周六下午3時起直播）

艾斯達維回巢晉鋒再鍊東方

東方各項賽事已錄得4連勝，主教練盧比度（Chino）希望能延續良好走勢。雖然東方今季曾兩度擊敗晉峰，但Chino提醒球隊勿因此輕視對手：「每場波都係全新嘅比賽，要面對全新嘅挑戰。」隨着艾斯達維重返晉峰出任主教練，Chino指晉峰競爭力會有所提升：「上季晉峰喺艾斯達維帶領下好有競爭性，今次佢回歸，晉峰贏波決心只會更大。」

柏拔視「傻邦」為學習目標

今季獲提拔至一隊的柏拔，早前獲批特區護照，可以本地球員身份出戰。柏拔希望可向教練團及梁振邦等球員學習：「自己場上嘅意識同防守都要改善，希望有朝一日成為好似『傻邦』咁優秀嘅球員。」

上場以3球擊敗香港U23的晉峰，剛宣布由艾斯達維（Joan）回巢執教，這名西班牙籍教練指已翻看球隊早前兩次不敵東方的片段：「東方依然有好多出色嘅進攻球員，同埋擅長放身後波，我哋要盡量控制中場，同埋踢出球隊風格。」返港後僅主理過3課操練的Joan，承認球員適應戰術需時，希望可透過今場「菁英盃」考察球員。

黃政德轉位置加倍努力

翼鋒出身的黃政德今季改任左閘，各項賽事已正選上陣5次，惟他坦言仍未適應新位置，表現暫時尚未合格。今場再鬥東方，「德仔」希望防守上要加倍努力：「中場遮線及協防要做好啲，減少畀對手直接打穿嘅次數，同埋要攞番多啲控球權。」

冠忠南區理文爭勝冇留手

南區上場聯賽遭港會逼和，各項賽事3仗不勝，主教練鄭兆聰（Ricky）承認早前「高級組銀牌賽」與傑志鬥足120分鐘後，部分球員出現傷疲，但球隊已作出檢討。南區季初曾於聯賽擊敗理文，Ricky認為對手近況正盛，是役會先做好防守：「對手連贏幾場信心唔錯，我哋保守啲都唔出奇。」除冼柏德有傷在身，中場大將鞠盈智亦受傷患困擾，Ricky透露未必會冒險派「小鞠」上陣。

陳傲軒珍惜上陣機會

今季被借往南區的U22球員陳傲軒，去季僅曾於「菁英盃」上陣，今季卻多番為南區披甲，「阿軒」喜言：「冇諗到咁快有咁多機會，要多謝教練嘅信任，會好好珍惜。」

理文上仗擊敗強敵傑志，助教曾昭達直言球隊士氣大為提升。中堅荷西安祖上仗復出後備入替，「達Sir」對他表現感滿意，並指其有望重返正選行列。今場除後衞徐宏傑要坐波監外，主教練陳曉明賽前亦因病錯過兩課操練，未知能否趕及督師，惟「達Sir」認為球隊運作已成熟，影響不大。

鄧梓朗夠信心唔怯場

今季升上一隊的U22門將鄧梓朗，早前「菁英盃」對和富大埔的地標戰力保不失，坦言建立信心：「一開始係會緊張，踢落就順咗，希望教練見到，我唔會因為係?仔就怯場。」