昔日東方聯賽成績不似預期 李輝立：引援失敗
標準流浪雖然躋身「高級組銀牌賽」4強，然而聯賽成績卻未如理想，暫時只在中下游徘徊。球隊總監李輝立（Philip）接受訪問時吐苦水，承認引援方面出錯，不滿大衞巴拉及賈思浩一直受傷患困擾，影響球隊部署。
兩森巴兵「傷多過踢」感無奈
今季目標衝擊前4的流浪，簽入了前鋒大衞巴拉及中堅賈思浩兩位巴西籍外援，惟兩人長期傷患纏身，至今基本上「傷多過踢」。前者自10月8日對晉峰的「菁英盃」分組賽後，已經連續3場作壁上觀，暫時各項賽事只入得1球；後者早前亦連續兩場缺陣，上場對和富大埔的聯賽始復出。
總監李輝立對兩人傷勢大感無奈，承認教練團在引援上做錯決定：「大衞巴拉之前喺泰國踢過4間球會，全部都因傷離隊；其實賈思浩都係，佢踢完一場就要抖，簽30歲以上外援要好小心，因為踢咗咁多年，一定累積好多傷患。」
流浪聯賽3戰只得1分排第8，Philip直言不滿意成績，惟暫時只能見步行步：「有大衞巴拉係咪提升到攻力都未知，因為佢未顯示到屬咩類型中鋒，但如果係巴辛已經贏咗好多場波，最弊係轉會窗閂咗，捱到1月囉。」
林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
