POM祖連奴：要改善集中力

祖連奴全場表現活躍，更於上半場補時階段送出妙傳，助攻金旻奎射入，協助流浪一度取得領先，可惜最終仍無法幫助球隊取得聯賽首勝，這位巴西前鋒也深感失望：「其實我哋踢得幾好，大家都好努力，但就係攞唔到3分。」

目前流浪於聯賽3戰僅得1分，Junior指球隊要提升集中力，否則很容易再次失分，但他仍有信心球隊能夠踢得更好：「我哋會繼續努力，始終仲有咁多場比賽，我相信球隊會變得更強。其實以我哋嘅陣容嚟講，係應該有更好嘅成績，希望之後會踢得好啲。」