東方迎擊深水埗傾力搶分

剛過去的緊密賽程東方表現出色，取得3連勝，包括上場於「高級組銀牌賽」8強以3比1淘汰晉峰，對此主教練盧比度（Chino）表示：「贏波當然有正面影響，球隊信心都好咗。」對手深水埗至今仍未嘗一勝，但Chino提醒球隊切勿鬆懈：「雖然啱啱贏波，但我唔希望球隊因此放鬆，如果球員覺得呢場波易踢，咁佢哋就大錯特錯。」值得一提，今季被提拔至一隊的自家「青訓產品」柏拔，已獲批特區護照，可望以本地球員身分出戰。

早前斬獲今季開齋波的胡晉銘，過往曾效力天水圍飛馬，過去一屆「亞協盃」亦與郭嘉諾領軍的臺南市FC碰頭，對這位深水埗主帥的執教風格不會陌生：「『嘉諾Sir』執教嘅球隊防守緊密，要留意佢哋攻守轉換。」

深水埗上場在大幅度輪換下，於「高級組銀牌賽」大敗予理文，主教練郭嘉諾坦言過去3場讓超過20名球員落場，有助自己考察球員，相信接下來在聯賽可漸入佳境，今場目標爭取入球及搶分。「嘉諾Sir」在6月曾帶領臺南市FC在「亞協盃」與東方交手，他認為：「佢哋人腳變動唔大，外援差唔多全部都喺到，雖然預咗唔易踢，但我哋一定會傾力應戰。」

前鋒鄧子均近兩場復任正選，狀態不俗，「均仔」希望隊友們繼續努力，今仗目標有分落袋：「過去兩場我哋受壓嘅時間比較多，進攻機會相對少，但唔係完全冇機會，把握力方面要落多啲苦功。」