昔日東方米基爾想過捧盃癮
生涯高峰加入傑志Timing一流
今季積極增兵的港超勁旅傑志，不得不提當然是由東方簽入了米基爾（Mika），這名巴西籍中場2019年首次來港發展，憑着出色表現一直在各隊穩坐正選位置，在中場可謂攻守兼備；此子季初暫時已貢獻4個入球及2次助攻，勢令「藍鳥」攻力更上一層樓。
上季效力東方的米基爾屬於必然主力，球季腰斬前各項賽事上陣了18場，更在「亞協盃」分組賽對台南市FC一仗先開記錄，成為晉級功臣之一，表現十分搶鏡，他直言季前曾受泰國球隊邀請，但自己最後仍決定加盟傑志：「傑志係香港最強球隊，有好多出色球員，所以好容易就下到決定；另外喺香港接近3年，已經有好多朋友，亦習慣咗呢度嘅生活，同時我好愛香港，留喺呢度相信係最好選擇。」
由初來港效力青春班為主的佳聯元朗、愉園，直至近年能夠加盟東方及傑志兩支本地傳統勁旅，Mika直言感覺有很大分別：「因為我之前喺巴西踢咗9年，有一定經驗，對我嚟講喺大球會踢得更容易，因為訓練相當艱辛，節奏好快。」現年29歲的Mika續指自己正處於生涯高峰期，認為今次來到傑志是一個非常合適的時間，希望能令職業生涯更上一層樓：「最重要係攞聯賽冠軍，當然理文、東方、冠忠南區實力都好強，但相信今年傑志可以攞到；自己嚟咗香港咁耐都冇試過，唔止渴望咁簡單，係我有需要。」
為爭取上陣機會做足準備
「藍鳥」近年成績彪炳，自港超聯成立後已經5奪聯賽冠軍，早前更歷史性闖入「亞冠盃」16強，Mika理解外界對球隊有一定期望，但指自己並未因此感到太大壓力：「踢咗12年職業足球，其實每一日都有壓力，但暫時嚟到傑志反而好開心；我明白每一場波都要贏，亦好鍾意呢種感覺，落到場會逼自己跑得更多，希望向球迷證明自身實力。」傑志今季陣容強大，尤其中前場更出現人滿之患，Mika強調已準備好接受競爭，無論在訓練或者比賽，皆會時刻準備就緒，希望可以全力幫助丹恩奴域、艾力士等前鋒爭取更多入球。
圖/文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
