on.cc東網直播 ４強決定戰

由於主教練鄧冠研賽前因私人理由離隊，晉峰暫時由總教練何信賢領軍，但「何Sir」認為今次換帥對球隊影響不大：「喺戰術上可能要適應助教嗰套，但球隊都係保持番同樣踢法，相信都係大同小異，隊內士氣上都冇乜問題。」上場聯賽以4球不敵東方，今場再在「高級組銀牌賽」相遇，「何Sir」表示會鼓勵球員放膽去踢，不要給予自身太大壓力，好好把握每次進攻機會。

「粉紅兵團」今季在法定時間內僅嘗一敗，但踢足所有賽事的後衞葉卓文，卻指球隊表現未如上季，感覺有少少迷失，而自己的狀態亦未算十足。上場對東方慘吞4蛋，「卓文」希望今場防守有所改善：「又係舊毛病！喺死球方面出咗問題，位置感要好啲，同埋要提高集中力。」

衞冕銀牌賽的東方，相隔2年再於該項賽事出戰，主教練盧比度（Chino）坦言今屆賽事競爭激烈，球隊會視打入決賽為目標。周中於「菁英盃」雖然成功擊敗香港U23，但Chino似乎對球隊表現不甚滿意：「比起結果，更重要係贏波嘅過程，上場波係自己上任後，球隊表現最差嘅一戰，咁嘅表現唔可以再出現。」繼早前聯賽後再遇晉峰，Chino指出東方8日內要應付第3戰，加上比賽場地及開賽時間等客觀因素，相信今場形勢會與上次交手有頗大差別。

東方新「10號仔」蔡立靖（Emi），早前在聯賽擊敗晉峰一戰，首次擔正並交出兩次助攻，Emi認為香港聯賽頗具挑戰性，更提到自己表現仍有待提升：「自己現時未100%弗，但只要再畀啲時間我去了解隊友嘅特性，我相信自己有能力幫到球隊。」

標準流浪上場聯賽1球僅負港會，各項賽事近兩場不勝，表現未如理想，技術顧問米路希望球隊今場可以踢出爭氣波，目標贏波晉級，以重拾球員信心。雖然流浪季初在「菁英盃」曾以兩球輕取香港U23，但米路卻提醒球員不要掉以輕心：「嗰場全靠盧兆崎救咗幾球靚波先可以贏到，絕對唔容易踢，我哋要尊重對手，球員落場一定要盡力踢好。」陣容上，兩名巴西籍外援賈思浩及大衞巴拿，或繼續因傷缺陣，至於中堅基藍馬則刑滿復出。

前鋒劉智樂今季表現十分出色，各項賽事已射入3球，成為陣中首席射手，他坦言有賴全隊上下的幫助。「樂仔」續指對自己的狀態感到滿意，但認為需要加強把握力，希望為球隊爭取更多入球。

香港U23主教練司徒文俊賽前就向標準流浪「笠高帽」，指對手幾位攻擊球員皆具備盤扭能力，又有林嘉緯及盧均宜控制比賽節奏，實力比己隊完整。對於球隊暫時開季5場全敗，「司徒Sir」坦言球隊實力與大部分對手有差距，希望年輕球員，可以從錯誤中學習：「之前對過嘅南區、標準流浪，理文定係東方，陣容嘅實力都相對平均，咁香港U23喺冇外援嘅情況下會辛苦啲，所以依家着眼於加快年輕球員嘅進步同減少犯錯。」

球隊前鋒陳嘉宝認為開季接連落敗，並沒有影響球隊士氣，球員會針對問題加以改善。談到今場「高級組銀牌」對流浪，「嘉宝」指對方球員具備質素及經驗，為難應付的對手，但球隊會勇於作出挑戰。