馬高斯發威起孖 東方贈晉峰4蛋

晉峰今仗早段嘗試進攻，8分鐘，鄭璟昊右路傳中，林樂勤禁區內接應起腳，未能射穿葉鴻輝十指關。踢至21分鐘，東方於禁區頂獲罰球機會，馬高斯主射破網，為球隊打開紀錄。東方領先後繼續踩油，6分鐘後黃皓雋右路推大位施射，被林駿杰接實，33分鐘，胡晉銘射門省中葉卓文彈入成2比0。晉峰於41分鐘有機會追近比數，可惜費利浦薩攻門中楣不入，4分鐘後，東方一次角球攻勢，晉峰遲遲未能解圍，巴杜姆傳交高素巴耶夫射入遠柱，東方領先3球，至補時階段馬高斯再接應角球頂入，東方領先4比0完半場。

晉峰換邊後換入班哲文，冀加強攻力，東方到66分鐘亦以柏拔入替表現活躍的蔡立靖。70分鐘，馬高斯接應罰球射門，被後備入替的門將羅澔陽接實。隨後雙方未有再增添紀錄，東方收穫今季聯賽首勝。

東方主教練盧比度賽後指球隊仍有進步空間，但對勝利感滿意，並讚揚球隊把握力：「我哋有4個機會就入咗4粒，呢個真係太美妙，半場領先4球，令我哋容易啲應付下半場。」晉峰總教練何信賢認為賽果未能反映實際差距：「我哋其實製造咗唔少攻勢，當然可以把握得再好啲，臨完上半場失嗰兩球亦唔夠集中。」「何Sir」希望球員收拾心情，為下場「高級組銀牌」再對東方做準備。