on.cc東網直播好戲打孖上理文打醒精神撼香港U23

中銀人壽香港超級聯賽今日打孖上，頭場下午3時開波，由理文於將軍澳運動場迎戰香港U23，「黃黑軍團」力爭聯賽重回勝軌，遇上希望擺脫連敗頹勢的香港U23，臨場鬥攻絕不手軟；尾場晚上6時鳴笛，傑志假旺角大球場主場出擊，與冠忠南區合演重量級大戰，兩雄相遇必有一番龍爭虎鬥。（on.cc東網周六下午3時起直播）

理文去仗於「菁英盃」報捷，以一球小勝和富大埔，球隊成功克服狀態平平，以及作客等不利因素，對此主教練陳曉明感到滿意，同時喜見基華尼頓開齋：「希望各人分擔到入球工作，唔可以依賴一個人入波。」他認為今場對手會更專注防守，球隊臨門處理要做得更好。中場主力顏樂楓上場兩黃一紅，今場需與「曉明Sir」齊齊停賽；傷兵方面，除荷西安祖外，黃威仍有傷在身，是役上陣成疑。

迪高盼提升信心狀態

早前受傷患困擾的迪高，相隔多月後上場再次踢足全場，這位34歲中場悍將表示正重拾比賽信心和狀態，並指協助球隊贏波最為重要：「無論我哋係贏1球或10球，最緊要攞晒3分，以往我同『司徒』（即香港Ｕ23主帥司徒文俊）喺東方合作過，佢係一名出色嘅教練，麾下球隊非常有紀律性，我哋要打醒十二分精神。」

香港Ｕ23上場「足總盃」首圈，以1比6大敗予冠忠南區，主教練司徒文俊坦言球員及教練團隊，都要從中學習。今場對手理文實力強大，「司徒Sir」預期球隊會遇上極大困難：「理文係支好強嘅球隊，連後備球員都好有能力，一定唔易踢。」他透露上場傷出的黎培基已無大礙，可能先列後備。

林樂賢遇強不退縮

上場賽事為林樂賢今季首場正選上陣，尚算滿意發揮，並指自己與隊友不會懼怕理文：「我哋唔會因為理文係支強隊，就諗住退縮，會保持自己嘅風格，對住咩對手都希望爭取到零失球，同攞到分數。」