on.cc東網直播 分組賽重頭戲 菁英盃超激戰

理文超過1個月後重返賽場，主教練陳曉明指出球員經歷長時間的休戰期，身心都難免受到影響：「嚟緊恢復一周一賽嘅情況下，希望球隊透過比賽重拾狀態同信心。」值得高興的是洛迪古斯及加維蘭等傷兵，能夠有時間康復，惟已投入操練的荷西安祖，短期內仍未能復出。「曉明Sir」表示會視「菁英盃」為爭標目標之一，但形容賽事不易應付：「希望一班小將要珍惜機會，資深球員要幫佢哋攞到信心，改善做得唔好嘅地方。」

今季加盟「黃黑軍團」的鄭進泓（沙維），乃理文陣中港超經驗較為豐富的U22適齡球員，轉投新東家接受新挑戰，「沙維」說自己非常享受在理文的新位置：「以前踢閘比較多，嚟到理文教練畀我嘗試踢較前嘅位置，覺得自己會踢得舒服啲，希望喺黃威同亞哥斯達等球員身上學到嘢。」

和富大埔上場大踢爭氣波，以5比1擊敗深水埗，收穫今季首勝，主教練李恆匯直言贏波對提升球隊士氣會有一定幫助。曾在理文擔任助教的「匯Sir」，認為過往經驗，有助自己制定禦敵對策：「都了解對手嘅，但理文都加入咗唔少有質素嘅新外援，特別係個人一對一情況要小心應付。」他承認球隊在比賽狀態方面會有優勢，並透露今場有機會對陣容進行輪換，以應付未來更重要的聯賽賽事，至於翁煦濤就因外借條款約束，今場需要避戰。

過去兩場「菁英盃」都有披甲的大埔U22球員張力行，就非常感激教練給予機會：「覺得自己表現一般，可以做得更好，仲係有啲緊張，希望之後會慢慢適應。」比起過往青年軍及甲組賽事，他指出頂級聯賽最難適應的地方在於比賽節奏：「希望之後會慢慢適應，基本功同協防方面要再做好啲，同埋要再放膽啲。」

今季首次與東方交手，傑志總監兼主教練朱志光笑言大家已經「對到熟」，認為今場勝負關鍵，在於年青球員的表現：「好多唔係常規正選，同埋可能新人會有少少緊張；犯錯其實預咗，但要點樣調整心態踢足90分鐘，有經驗嘅球員要幫下佢哋。」「藍鳥」早前一口氣簽入沙根巴耶夫、文尼亞斯及江展民3名新兵，「朱Sir」表示會視乎狀態，才決定會否安排他們上演地標戰，惟查理史葛很大機會因傷缺陣。

傑志中場米基爾（Mika）今季才由東方加盟「藍鳥」，首次倒戈舊東家，他坦言非常期待，Mika又稱東方擁有高素巴耶夫、馬高斯等出色後衞，預計今場會十分難踢。

上月初完成「亞協盃」征途後，休戰超過1個月的東方，再於本地賽事出擊。面對10月緊密賽程，主教練盧比度承認對球員體能狀態感到擔心：「球隊軍容唔算龐大，輪換空間有限，如果球員出現疲勞情況，需要要好小心去處理。」正隨港隊U17出征的楊棟棋，以及早前受傷的李俊霆，是役齊齊缺陣。好消息是賽前東方羅致了新兵蔡立靖，並提拔U18青訓梯隊小將劉浩揚，相信有助加強人腳調動。

作為東方今季陣中其中一位U22「菁英盃」適齡球員，鍾凱文被寄予厚望，上季對傑志一役成為職業生涯地標戰，今有機會再遇強敵，這位19歲門將揚言非常興奮。對於今季目標，他希望能爭取更多出場機會：「需要令自己繼續進步，希望跟得到『輝哥』（葉鴻輝）嘅腳步。」