晉峰重整旗鼓 惡鬥標準流浪

標準流浪早前錄得兩連勝，「鄧Sir」大讚對手實力強勁：「雖然流浪無咗祖連奴，但其他外援球員都有一定質素，要提防佢哋邊路進攻，今場對防守會係一次好大嘅考驗。」「鄧Sir」續指是役除上場「兩黃一紅」被逐的中堅艾拔簡勞需要停賽外，陣容上預計不會有太大改變。

標準流浪對上一場正式比賽，已經接近一個月前，教練賴嘉輝透露球隊在這段期間，特意安排了5至6場友賽，對球隊進攻表現，以及球員狀態感到滿意。晉峰近況雖然一般，但「賴Sir」直言會謹慎應戰：「始終新教練上任要時間磨合，而晉峰有幾名球員都有數胡能力，絕對係一支好危險嘅球隊。」

陣容方面，對理文一仗因「報復」領紅的祖連奴，早前被足總再加罰一場，今場需要停賽，至於新援簡古爾則可候命。