昔日東方奧利斯來投誓證明自己
昨日深水埗操練有新面孔現身，身高接近2米的烏克蘭門將奧利斯，以借將形式加盟球隊。奧利斯直言希望在新東家得到更多上陣機會：「我會用場上嘅表現，證明畀球迷睇自己嘅實力。」
上季頻頻為標準流浪把守大關的奧利斯，今季不獲重用，對於轉投深水埗，他承認機會來得非常突然，並解釋加盟的主要原因是希望爭取更多上陣機會：「我有自己嘅目標，為咗達成目標，我需要更多上陣時間。」初來乍到的奧利斯，與不少深水埗隊友，都是第一次跟隨新帥郭嘉諾。經過是日首課操練，奧利斯直言感受到「嘉諾Sir」是一位要求頗高的教練：「由首課操練就知，佢係一位好有要求嘅教練，深水埗需要有新嘅改變，呢個對球隊絕對係好事。」
隊內競爭激烈未驚過
現時深水埗陣中有多位門將在陣，惟奧利斯對激烈競爭並不擔心，直言對自己能力充滿信心：「每隊波都有至少3位門將，我非常尊重隊中所有隊友，球隊有競爭係正常，亦係好事嚟，喺心目中，我認為自己係最佳，所以我隨時做好準備。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
