港隊主將感激fans力撐

黃洋（港隊中場）：「多謝球迷嘅鼓勵，香港未有機會踢『世界盃』決賽周，但到咗出年『亞洲盃』決賽周嗰陣，希望球迷可以同樣咁去關注同支持。我哋好清楚去到決賽周，遇到嘅都係喺亞洲有級數嘅對手，所以事前嘅準備，一定會百分百投入。港隊上下都好希望可以喺香港市民嘅支持下，喺『亞洲盃』決賽周嘅表現可以令大家開心。」

葉鴻輝（港隊隊長）：「3年後再一次主場同各位球迷見面，超過12,000名球迷入場，多謝每位入場同喺電視睇直播嘅你哋。好享受每次主場嘅氣氛，多謝大家。」

鞠盈智（港隊中場）：「久違嘅主場，完美嘅氣氛，遺憾未能贏波。感謝到場支持我們嘅每一位球迷，We are Hong Kong。」

孫銘謙（港隊前鋒）：「可以聽到大家嘅歡呼，感受到球迷嘅支持，我覺得係一件好光榮、好榮幸嘅事。」