昔日東方羅梓駿踢得Free想再做好啲！
香港足球代表隊前晚在旺角大球場以2比0擊敗緬甸，交出關鍵助攻兼取得個人「大港腳」處子球的羅梓駿表現出色，但他認為港隊的表現仍有提升空間。
今場正選上陣的羅梓駿，於上半場以頭槌建功，除為港隊拉開兩球優勢外，更取得個人首個港隊入球，「羅梓」對此感到十分高興，有信心球隊在周六的友賽能夠再次擊敗緬甸：「今場贏2比0，但其實我哋可以再做好啲，例如球隊上下半場都製造好多攻勢，但有啲把握唔到。希望星期六都可以為球迷帶來勝利。」
聽足吩咐全力以赴
羅梓駿透露雖然對緬甸第一擊為閉門賽事，但主教練莊恩安達臣仍叮囑球員盡力爭勝：「教練同我哋講，要畀對手知道，呢度係香港隊嘅主場，無論有冇球迷，都要當全場爆滿咁去踢。」
效力傑志的「羅梓」自開季以來，助攻的機會比以往多，他提到今季在「藍鳥」需要出任新位置，自由度較以前大，自己亦逐漸適應轉變：「依家會移入中間，覺得自己適應得幾好，因為自由度比較大，唔同以前淨係踢邊路。踢法上可以加多啲自己諗法，參與多啲進攻。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
