周六友賽緬甸 港隊3將：希望球迷入場撐我哋！

在本地球壇征戰多年的港愛混血球員謝家強（Sean），去年終獲批特區護照，並在今年6月份的「亞洲盃」外圍賽獲得徵召，3場賽事皆以正選姿態上陣，成為港隊晉級一大功臣。過去幾個月隨港隊南征北討，Sean不忘分享個人認為最值得回味一刻：「自己嘅港隊地標戰當然係最深刻，但可以幫助港隊相隔54年後再闖決賽周，成功達成呢個目標，對球隊及球迷都係一件大事，呢兩樣嘢相信係我大港腳生涯至今嘅閃耀時刻。」

早前隨港隊完成「東亞盃」後，現時為自由身球員的Sean，亦趁「空檔期」回到英國與家人團聚：「雖然有多支亞洲球隊向我招手，但我已經接近14個月冇見過老婆同囝囝，好想享受同屋企人相處嘅快樂時光。」對於有機會在主場球迷面前獻技，Sean亦難掩興奮之情：「港隊好耐冇喺主場球迷面前比賽，今次意義重大，另外為代表隊出賽嘅機會亦非常重要，如果我係弗嘅，就應該要去踢，呢個係我嘅選擇。」惟他透露家人皆身處英國未能到場支持，難免留下一點遺憾：「期待日後屋企人入嚟球場，睇住我着港隊戰衣出賽。」

年僅20歲的余在言在6月份舉行的「亞洲盃」外圍賽才初次為大港腳上演「地標戰」，以往未曾在香港大球場比賽的他，坦言對周六之戰期待已久：「我成日喺大球場睇波，最深刻就係2014年香港對阿根廷嘅友賽，成日都幻想究竟自己落場踢會有乜嘢感覺，依家終於有呢個機會，好幸運教練肯選我入隊。」

港隊曾在5月份的友賽與緬甸交手，Jesse認為對方球員雖然當時狀態未足，行軍速度卻很快，踢法亦甚具組織性，在場上相當團結，因此絕對不能掉以輕心。對於首次在一眾港隊球迷的吶喊聲下作賽，Jesse承認感到既興奮又期待，但同時亦有一點壓力，希望可以踢一場好波送給觀眾，而個人目標則希望爭取上陣機會，盡量吸取國際賽經驗及爭取入球。

現時效力冠忠南區的簡嘉亨，並非港隊新臉孔，今年已先後出戰「亞洲盃」外圍賽及「東亞盃」，不過他承認在主場出擊有更大喜悅，自己會更珍惜這次機會：「唔係成日都會有代表香港比賽嘅機會，而且有香港球迷支持我哋係一件好事，因為我哋會更加開心，肯定更加想踢好啲。」

一直視披上港隊戰衣為目標的「阿亨」，是其中一名被寄望甚殷的小將，他明白要繼續入選，就一定要維持出色發揮：「最緊要有好表現，因為喺香港隊入面，如果你表現唔夠好，就會被其他球員取替。」

自莊恩安達臣成為港隊主教練後，球隊的踢法便一直獲得好評，如今港隊即將於香港大球場，在一眾球迷面前獻技，「阿亨」認為這場賽事相當重要，期待自己可以有更好表現：「暫時狀態唔錯，希望有多啲落場機會同埋正選上陣，球迷亦可以繼續為我哋打氣。」圖、文：林卓臻、李浚湣、鄧文滔