昔日東方教練張健峰：吸取經驗必經階段
港隊Ｕ20戰敗，主教練張健峰指球隊出現犯錯，但強調一眾小將必須吸取這些經驗，才能成長，更直言今場落敗是自己的責任。
「張峰」指球員願意執行部署，惟把握力仍有待改善：「其實球員今場有好多機會，只係有時佢哋控多咗一腳。反觀越南嘅表現，佢哋好清楚幾時要做One touch等嘅嘢。」他表示球員在本地青年賽事，並非經常面對龐大的壓力，使他們短時間難以應付國際賽的速率：「我哋壓迫對手嘅時間係啱，但對手又處理得好，呢啲都係我哋一班球員可以學習同見識嘅地方。」
門前把握力要增強
為球隊「破蛋」的中場曾以行（Ellison），賽後直言對賽果感到失望，承認球隊技術、體能及速率上皆不及越南，尤其下半場當體能下降時，完全被對手控制戰局。Ellison續指部分失球有點欠運，認為完全可以避免，但他亦不忘大讚隊友的付出：「大家今場都盡晒力，輸咁多球之後所有人都冇放棄，仲保持住一個好好嘅精神面貌，都係值得鼓舞嘅事。」
港隊在上半場尾段一度搶回不少主動權，可惜未能取得入球將比數拉近，Ellison希望球隊在接下來可以專注提升把握力：「上半場唔能夠將3至4次機會轉化成入球，其實係我哋嘅致命傷，希望可以加強門前把握力，之後唔好再錯過入波機會，避免畀對手拉開比數，呢樣係今場波首先學到嘅嘢。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
