錯失入波良機胡晉銘耍冧

難掩失望神情的胡晉銘賽後接受訪問，先向球迷致歉：「要講聲唔好意思，場波最後令到大家失望。但係我覺得都有得着，希望大家繼續支持東方，我哋會努力爭取喺本地賽事攞到好成績。」

除此之外「晉銘」上半場曾在禁區頂起腳，但角度太正被對方門將接實；對於錯失黃金機會，他無奈表示：「嗰球控落嚟之後，估唔到出現咁大機會，射完之後我先察覺原來對方門將失咗位，我乜都冇望就好心急起腳，處理得唔好。喺球隊以防守為主下，自己竟然把握唔到僅有嘅機會。」

總結今場賽事，「晉銘」坦言索迪亞拿實力未算太強，認為落敗略欠運氣：「球隊能夠踢出賽前部署，鎖死咗對方主力，甚至喺下半場搶番多少控球時間，我會形容最終失波係唔好彩。」「晉銘」續指目前仍在季初階段，希望球員可以憑着這場高強度賽事催谷狀態，以及進一步改善進攻這個老毛病。