on.cc東網直播理文冠忠南區超激鬥

（on.cc東網、港台電視32周六晚6時直播）

理文上場靠新兵艾華頓梅開二度，以2比1險勝標準流浪，取得首勝，惟比賽尾段被紅牌驅逐的主教練陳曉明，是役只能作壁上觀，他相信其餘教練團成員有能力帶領球隊：「無論『達Sir』（曾昭達）或佐迪，我對佢哋都好有信心，大家都對要求同部署好清楚。」

「曉明Sir」認為南區陣中不乏曾效力冠軍球隊的經驗球員，形容今場不易應付，慶幸上場未有進入大軍名單的洛迪古斯已傷愈，今場有望重返大軍名單，至於顏樂楓有望第100次為球隊披甲。

理文後衞余煒廉同樣認為對手南區極具實力，必須謹慎應戰：「南區前場有唔少具質素球員，如果畀對手把握到我哋嘅失誤，場波會變得好難踢，所以一定唔可以畀佢哋入波先。」

首戰以2比0擊敗香港U23的冠忠南區，今場自然希望取得連勝，主教練鄭兆聰（Ricky）認為作為爭霸分子的理文，今季加入艾華頓及加維蘭等新兵後，前場火力進一步提升，必須要加以提防：「理文攻力肯定係強過上季，仲有好多球員可以用，我哋都唔知佢哋會出邊個，惟有做好自己，希望球隊攻守平衡可以做好啲。」Ricky透露上場傷出的陳凱柏，需要休息至少一周，今場肯定缺陣，至於畢頓日前已恢復操練。

開鑼日為南區上演「地標戰」的謝朗軒，今場要倒戈舊主，他表示對舊隊友有一定認識，希望藉此嘗到甜頭，並認為南區能靠更強爭勝心發圍：「落到場，唔係齋靠球員名氣或個人表現，都要睇贏波決心，南區對勝利嘅渴求唔會輸畀任何一隊。」