增加訓練節數港會目標爭前７

港會職球員出現不少變動，其中前港隊代表昆查出任足球部主席，並邀得基保加入一隊教練團，昨日後者就親自落場安排訓練，更不時傳授球員走位和技術動作。陣容方面，里奧、喜比特、羅賓士高及菲杜化等主力繼續留效，並引入基奧、吳子聰和夏比等新兵，同時溫俊、積施利及杜國樑亦重返母會。

Tony又表示每周操練節數將提升至4節，幾位新兵不少具港超經驗，Tony認為他們幫到手：「溫俊同我哋一齊踢過甲組，我同積施利亦識咗好耐，佢嘅經驗絕對幫到我哋。」Tony希望在轉會窗關閉前多添至少兩名新兵，並以聯賽前7位做目標：「我覺得我哋有能力做到呢個成績。」

至於隊長喜比特強調表現要有所進步：「今季準備時間比上季更加充裕，我哋會回歸基本步，希望各方面做得更好，現實目標希望唔使包尾。」曾效力傑志及冠忠南區的溫俊今季重返頂級聯賽，直言想幫港會站穩陣腳：「希望畀大家睇到我哋有能力同其他球隊周旋。」港會周六將首度登場，對手為新升班球隊深水埗。圖、文：林卓臻