昔日東方球隊講目標各有所求
顏樂楓：助新兵融入
理文今季積極擴軍，惟隊長顏樂楓指新球員融入需要時間，要奪得冠軍非容易：「新球員嚟到一支建立咗5年嘅球隊，點都要時間適應，希望喺比賽時盡快幫佢哋融入同磨合。」
馬希偉：「亞協盃」竭盡全力
即將出戰「亞協盃」跨區4強的東方龍獅，新季變化頗大，馬希偉希望能衝擊前4，並在「亞協盃」盡力爭勝：「始終一場過，任何事都有可能發生，我哋目標就係要贏波。」
姚浩明：目標亞洲賽席位
標準流浪矢志衝擊亞洲賽資格及聯賽前3，主力姚浩明亦指球隊季前準備十足，有望達成目標：「季前友賽踢到應有嘅踢法，球員質素唔錯，教練都相當滿意表現，如果加啲運氣，希望攞到前3名。」
鄭璟昊：球隊進步最緊要
堅持傳控打法的晉峰，來季繼續以「青春班」角逐本地賽事，隊長鄭璟昊期望球隊表現一年比一年進步：「我哋唔係啲爭標球隊，只要年輕球員落到場時搏盡，有進步就可以。」
佐佐木周：友賽出色添信心
冠忠南區加入不少新兵，亦獲主教練鄭兆聰崔護重來，佐佐木周充滿信心：「我哋有新球員，每個人都好有動力，球隊季前表現唔錯，會盡可能贏更多比賽同爭冠。」
喜比特：力爭更好排名
港會成功羅致積施利及基奧等新兵，喜比特認為球隊實力比上季更強，有力爭取更好排名：「可能有4至5隊會喺上游，其餘嘅隊伍包括我哋，各隊實力會好接近。」
吳文希：進攻踢法爭中游
香港U23球員吳文希期待憑進攻踢法爭取中游位置：「今季有兩隊升班，我諗大家都係以年輕球員為主，實力差唔多。」
陳曉鋒：做隊長好新鮮
和富大埔隊長陳曉鋒形容戴上隊長臂章的感覺「好新鮮」，要以身作則教導年輕球員：「戰術上一定安排好晒，但心態甚至心理上，要畀到建議佢哋去進步。」
嚴啟華：同對手有得鬥
新升班的「區隊」深水埗，嚴啟華直言與部分球隊實力接近：「我哋同大埔都係升上嚟，仲有香港U23、港會以及晉峰，幾隊實力唔差得太遠。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
