港超新季8.27打到嚟！10強列陣爭逐殊榮

今季港超聯將由10支球隊角逐，賽制為雙循環賽事，決出聯賽冠軍以及「亞冠盃」參賽資格，而「足總盃」、「高級組銀牌賽」和「菁英盃」三項盃賽亦會於季內舉行。足總又宣布今季港超聯繼續榮獲中銀集團人壽保險有限公司（中銀人壽）冠名贊助，並一如過往獲得NIKE香港有限公司的鼎力支持，包括贊助場地制服，並提供全新的「NIKE FLIGHT」作為官方比賽足球。

足總主席貝鈞奇發言時，特別感謝中銀人壽、多個贊助商及合作夥伴的支持，並對新球季賽事感到雀躍：「港超聯踏入第9個球季，10支球隊喺呢個夏天積極備戰，以及簽入新球員，各支球隊嘅陣容更加年輕有活力，亦有兩支地區球隊重返頂級聯賽，相信新球季競爭會相當激烈，期望各隊發揮所長，為球迷踢出精彩漂亮嘅比賽。」

至於中銀人壽品牌及企業傳訊總監焦揚女士則表示：「2022-2023年度港超聯賽事能夠順利推出，全賴足總、各間球會、球員以及多方合作夥伴共同努力。我哋喜見今季各球隊注入新動力，球員更加年輕及充滿朝氣，相信未來嘅賽事一定會更加精彩，令球迷萬分期待。」

另外，貝鈞奇會後又透露，香港足球代表隊或有機會於9月主場與緬甸「拍跳」，而賽事亦會開放予球迷進場。港隊對上一次主場比賽，已經是2019年11對柬埔寨的世盃外圍賽。圖、文：李浚湣、林卓臻、鄧文滔