用心栽培 黃鎮宇盼小將吸收經驗

黃鎮宇對幾位小將頗有寄望：「球隊近年都用心栽培有心機踢波嘅小朋友，希望佢哋盡快適應訓練同比賽節奏。」「宇哥」特別提到新季穿42號球衣的楊棟棋，鼓勵他以剛外流至梅州客家的茹子楠做榜樣：「茹子楠青年軍都係着42號，會方希望楊棟棋可以學習『茹子』，成為獨當一面嘅球員。」年僅16歲的楊棟棋坦言升上一隊感覺很神奇，希望在其他青年軍隊友陪同下，操練時能夠更加放膽。司職中場的他目標是爭取躋身比賽日的大軍名單。

至於副隊長葉鴻輝近日榮升做爸爸，這位港隊門神笑言愛子Declan的出現，改變了其生活：「依家冇乜嘢做都留喺屋企陪個仔，平時返去就睇劇睇戲，依家變成睇佢。」以熱血提場見稱的「阿輝」，笑言小生命的出現令自己耐性更好，甚至改變球場上的性格。