昔日東方黃洋向粉絲致歉望吸取經驗
傑志未能再進一步，隊長黃洋賽後向球迷致歉，並承認球隊無論經驗及賽前準備皆不及對手，期望下次可以在亞冠賽場走得更遠。
收拾心情迎港超聯
「一定係失望，首先要同傑志、全香港有睇波嘅球迷講句唔好意思，完全唔係我哋期待嘅結果。」黃洋今場頂替停賽的巴爾拿擔正，並承認巴吞聯絕對值得獲勝：「球隊頭兩個失波相距較短時間，係傷到士氣，下半場表現好番，對手上年都入到淘汰賽，多我哋一次經驗，只可以話佢哋準備得更好。」黃洋強調已竭盡全力，會收拾心情放眼即將開鑼的港超聯。
至於總監兼主教練朱志光則認為球員已竭盡全力：「開局有位非常重要嘅球員受傷，球隊被迫作出調動，上半場30至40分鐘我哋都嘗試衝擊對手，只係因一次犯錯落後，最後我哋焗住進攻，後防難免再出現錯漏，但球員到最後一刻都冇放棄。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
