昔日東方和富大埔深水埗拍跳握手言和
港超聯兩支新升班球隊和富大埔與深水埗，昨晨於廣福公園足球場拍跳。主場的大埔雖然有保連奴梅開二度，但只能與深水埗踢成2比2。
主場出擊的和富大埔，門將起用李瀚灝，加比爾、翁煦濤、羅振庭鎮守後防，陳曉鋒、鄭子森出任中場，三箭頭包括鍾偉強、王力威、保連奴。而深水埗由屠俊翹把關，梁星耀客串左閘，黎格爾、劉浩霖坐鎮中場，入球重任落在箭頭羅港威身上。
兩支地區球隊今場分外落力，深水埗憑黎格爾開賽初段的入球領先半場。易邊後突然下起大雨，但兩軍反而踢得落力，54分鐘，大埔憑保連奴頭槌扳平，12分鐘後這位前鋒用頭槌再下一城，為大埔反超前2比1。落後的深水埗未有放棄，74分鐘把握對方後場一次失誤，後備入替的泰亞高輕鬆射破謝家榮十指關，最終兩隊踢成2比2平手。
李恆匯稱仍有改善空間
今場為和富大埔季前最後一場友賽 ，主教練李恆匯坦言球員整體發揮不俗，但仍有一定改善空間，希望能夠盡快調整。至於深水埗主教練潘文迪表示︰「好多球員都無超聯經驗，同埋又比較後生，正選同後備暫時實力都仲有啲差距，希望佢哋快啲追返個進度。」李浚湣報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
