昔日東方艾華再戰港超︰我要攞冠軍！
在昨日冠忠南區的開季拜神祈福儀式中，幾位新加盟球員亦首度公開亮相，包括重返港超聯的艾華和基斯，以及回巢的劉學銘（小圖），其中艾華就對再戰頂級聯賽感興奮，各人都希望能為球隊贏得佳績。
闊別港超兩季後，艾華終再戰頂級聯賽，這位翼鋒表示非常期待，並對新季表現抱有期望：「我嘅目標係爭聯賽冠軍，要成功絕對唔容易，我哋都需要每場波都全力以赴，但我相信以球隊嘅人腳，我哋有能力做到。」同樣重返港超舞台，還有巴西外援基斯，對此他表示：「重返港超感覺好好，一班南區隊友實力強勁，有信心可以同球隊攞到好成績。」
劉學銘無懼同外援爭位
至於重返南區的劉學銘，就表示適應上不成問題。然而，現時南區防線上有杜度和川瀨浩太等外援，「學銘」承認隊內競爭不小，但直言有信心爭奪正選：「有幾個唔同嘅球員，去推動自己去進步，我覺得呢個係正面嘅競爭。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
