昔日東方標準流浪新兵首騷有波入
備戰港超聯新賽季的標準流浪和香港U23，昨日假將軍澳足球訓練中心進行友賽。結果流浪在新兵大衞巴拿及林學曦齊齊取得士哥下，以7比0大勝香港U23。
早前加盟流浪的巴西前鋒大衞巴拿，以及重返球隊的林學曦齊齊擔正，隨港隊完成「東亞盃」征途的余在言及姚浩明亦正選登場；香港U23則派出顏翱天把關，黎培基及郭子堦等坐鎮中場，袁世傑等負責攻堅。
賽事分3節進行，流浪開局踢得主動，祖連奴落底傳中，林學曦搶前點攻入。僅兩分鐘後，流浪角球攻勢，後上助攻的金旻奎人群中勁射破網，為流浪贏到2比0。其後祖連奴送出妙傳，大衞巴拿單刀推過出迎的顏翱天射入空門，流浪輕鬆3球領先。
第2節初段，流浪獲12碼由林衍廷射入。落後的香港U23嘗試反撲，惟鄧筵霑遠射欠威脅。流浪及後再有林遼太及劉智樂建功，加上最後1節由呂卓芹勁射得手，鎖定7比0勝局。
大衞巴拿林學曦交足貨
標準流浪教練賴嘉輝賽後認為大衞巴拿與隊友合拍：「佢一定係有級數嘅球員，之前有傷患所以好耐冇比賽，不過有時間畀佢提升狀態。」談到回歸母會的林學曦，「賴Sir」認為他在球隊的作用十分大：「自己去又得，同隊友配合又得，更重要係唔使適應，同我哋夾慣。」
香港U23教練司徒文俊賽後坦言失球比預期多，認為球隊過早失波影響信心，但強調不會從此採取較保守戰術：「對住有超聯經驗同能力嘅球隊，當然未必會主動。但我唔想呢班小將踢得太被動，因為對於佢哋嘅學習未必理想。」林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
