「新兵」鍾偉強︰保持健康爭佳績

為應付新季征途，大埔羅致多位新兵助陣，12名新兵是日齊齊亮相，當中包括曾於2018/19賽季幫助大埔聯賽封王的鍾偉強。闊別3季後重返舊東家，他直言現時心態與當年有頗大差別：「嗰陣時仲覺得自己好後生，所有嘢都可以慢慢去改變，但依家26歲，再經歷過傷患，所有嘢都成熟咗。」「強仔」承認近年表現受傷患影響，新季他希望情況有所改善：「新一季最緊要保持健康，為大埔爭取好成績。」

現年同樣26歲的羅振庭上季一度轉戰甲組，闊別一季後再獲機會重回港超舞台，對此他表示非常珍惜：「始終球員生涯有限，自己年紀話大唔大，話細唔細，自己都諗會唔會可以再試下，所以會更加珍惜做職業球員呢個機會。」他寄望來季能夠交出好表現，爭取入選港隊的機會。