昔日東方回顧港隊旅程茹子楠：好好嘅經歷
今屆「東亞盃」曲終人散，3仗皆正選出戰的茹子楠，見識到與日韓等強敵的差距：「冇乜機會對住韓職同日職球員，佢哋有啲外流過甚至踢過世盃，速度同力量都喺我哋之上，學到好多嘢。」
已盡全力冇遺憾
最後一戰不敵中國，「茹子」坦承賽後感到沮喪，卻不想再用「遺憾」兩字來形容心情：「無論對香港球迷定球員嚟講，呢場都係好重要嘅一場波，我哋已經盡晒力，冇話遺唔遺憾。呢個亦係足球有趣之處，無論你攻得幾勁幾好，人哋就係把握到一次機會，我哋就好多機會都把握唔到。」
沉澱過後，這位24歲港隊代表回望過去兩個月的港隊經歷。由泰國集訓、到馬來西亞友賽、再遠赴印度踢「亞盃外」，最後以「東亞盃」作結，「茹子」形容旅程非常豐富：「成班兄弟齊上齊落，呢個感覺係好Amazing，係好好嘅經歷。」他特別提到在印度惡劣環境下，港隊依然團結一致，最終成功晉級亞洲盃決賽周：「場內場外大家都互相支持，無論係隊醫或教練團隊，都好錫住我哋，幫我哋度過最艱辛嘅十幾日，呢個係真正嘅香港隊。」
林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
