港隊「回家」黃威︰見識心態差距

除勞烈斯和陳俊樂返回各自效力的中超球隊，陣中部分傑志球員亦已前往南韓與球會會合，備戰「亞冠盃」淘汰賽，其餘大部分球員包括黃威、孫銘謙、胡晉銘、鞠盈智和陳嘉豪等，以及主教練莊恩安達臣一同隨隊返港，並進行7日強制檢疫隔離。

今次「東亞盃」3仗皆以正選身份出戰的黃威，完成今次日本征戰之旅後，亦不忘總結表現，認為球隊有正面收穫：「都好開心呢3場波，都做到安帥想我哋做嘅嘢，係好好嘅演練。」與亞洲一線球隊交手，黃威坦言除了見識到體能上的差距之外，亦認識到其他的不足：「呢3場波有咩不足嘅地方，自己都諗得好清楚，對住強隊，喺決定性嘅時刻，往往會變得唔夠冷靜，最重要係關鍵決定要再做得好啲。」他希望日後再有機會與強隊交手時，能夠適應比賽節奏。