安帥感失望︰應該贏2、3球！

港隊以1球飲恨，安帥顯然對戰果感不滿，更形容是自己執教港隊以來首次感到失望：「我知道對中國嘅比賽係特別重要，我相信香港球迷同我一樣，都對賽果感到失望，但足球比賽就係咁，今次我哋欠缺運氣。」港隊下半場後場解圍未果，被中國隊把握機會取得奠勝一球，惟安帥認為失球僅屬欠運，未有歸咎於球員。安帥續稱港隊今場踢出自己的風格，對球隊戰術執行感到滿意，認為港隊場上表現比對手更佳。

不過，莊恩安達臣亦再次指出港隊把握力不足的問題︰「我哋要付出更多，我哋可以做得更好，中日韓球員攞到1次機會，就有能力轉化作入波，呢個係我哋同對手喺個人能力上嘅分別。」他認為港隊今場理應以2至3球優勢擊敗對手，但最終吞下敗仗，賽後有必要作檢討。

總結今次「東亞盃」征途，安帥則認為：「呢3場波對我哋備戰來年『亞洲盃』決賽周係好重要，我哋吸取寶貴嘅經驗，等我哋知道要點樣同強敵周旋。」