辦睇波活動足總與球迷齊撐港隊

港隊昨日於「東亞盃」面對強敵南韓，繼早前「亞洲盃」外圍賽之後，足總再於戲院舉辦睇波活動，並邀請許以心及黃曦桐兩位香港女子足球代表隊球員出席，分享早前赴新加坡踢友賽的經歷，更與現場球迷大玩抽獎遊戲。超過200名港隊球迷現身戲院睇波，不少人穿起港隊球衣，齊齊發揮「第12人」力量。

港隊今場依然採取前場逼搶戰術，當每次成功搶得球權，戲院內的球迷都報以熱烈掌聲和歡呼聲，即使在港隊落後情況下，「We Are Hong Kong」的打氣聲仍響徹整間戲院。

雖然最終港隊以0比3落敗，但有球迷認為港隊表現比上場有進步，與一班好友來戲院觀戰的張先生，就對港隊逼搶發揮感到滿意：「我覺得比數唔重要，最緊要係港隊全場逼搶好咗，而且戰術運用比上場有進步。」這位球迷亦點名稱讚今場為港隊把守最後一關的陳嘉豪，認為這位首次為「大港腳」上陣的門將，表現相當出色。