昔日東方艾華跟操搏晒命望再戰港超
冠忠南區友賽香港U23
為備戰新球季，兩支港超聯球隊冠忠南區及香港U23，昨日早上於將軍澳賽馬會香港足球總會足球訓練中心（FTC）進行熱身賽。賽後冠忠南區總教練鄭兆聰（Ricky）對球隊演出感到滿意，並透露前港超兵艾華正在跟操，不排除之後會再添新援。
今場為兩隊季前首場正式友賽，因此比賽強度未算太高，球賽以3節、每節25分鐘形式進行。冠忠南區一眾新兵包括謝朗軒及李嘉耀等，昨日亦有上陣披甲，最終南區憑李嘉耀及史提芬彭利拿的入球，以2比1險勝香港U23。
賽後冠忠南區總教練鄭兆聰對球隊表現表示滿意：「雖然都有啲錯漏，但球員整體發揮得唔錯，有啲球員始終差唔多半年冇踢過波，狀態方面難免差啲，慢慢一步一步嚟喇。」
南區今季人腳變動頗大，多達9名球員先後離隊，同時亦有幾位新球員加盟，加上鞠盈智、簡嘉亨及伍瑋謙目前正隨港隊出戰「東亞盃」，至少8月中才能歸隊，Ricky透露不排除再添新援：「都係要睇吓個情況，呢家未知幾時開季，好多嘢都未定。畢頓同何振廷暫時借過嚟都有好大幫助，起碼夠人踢熱身賽先，我哋都睇緊艾華個情況，佢目前跟緊操。」
艾華：好掛住超聯
現年31歲的前港超兵艾華，今場獲安排在第3節後備上陣，更為球隊博得一球12碼，狀態尚算不俗。目前屬自由身的他上周才到冠忠南區跟操，並期望可以重返職業賽場：「好鍾意球隊嘅踢法同埋教練Ricky，另外我都好掛住超聯，始終球員水準同甲組差得遠；老實講自己已經準備就緒，希望可以留喺南區，長遠目標係再代表到港隊。」圖、文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
