香港賽馬會青少年體育記者培訓計劃 學員評述陪你聲音導航

談及講波心得，吳毅豪表示有一樣事情是切記：「做評述最忌就係『疊聲』，雖然講波係要主動，但亦都唔可以太搶韁去剝奪其他拍檔發言權利。我會建議學員想講嘢前要舉一舉手，然後互相有個眼神交流，咁樣就可以好清晰咁交棒。不過，有時候雖然舉咗手，但個拍檔未完成發言時，而你就講嘢疊咗聲落嚟，呢個係一個無禮貌嘅舉動，要切記！」

除了慎防「疊聲」外，吳毅豪亦有多兩個貼士：「籃球比賽節奏急促，有時候你望到個球員射波，如果你再要望一望手頭上嘅資料，先知佢叫乜名再去講，就一定會遲咗。所以最好盡量喺賽前背熟球員名單，即使背得唔熟，嗰份資料都要遞高啲，唔好放喺枱面。咁樣望住個畫面同資料一齊去講波，先可以令個時間同速度更好。最後，可能有時候你會因為唔熟個比賽或球例而講錯，但我相信觀眾會體諒你哋係第一次講波，所以千祈唔好因犯錯而影響自己情緒，要保持樂觀同積極去講好場波。」