昔日東方港隊上征途安帥：想畀小將機會
即將出戰「EAFF E-1 東亞足球錦標賽」（東亞盃）的香港足球代表隊，大軍昨日啟程前往賽事舉辦地日本。港隊早前公布今次賽事的26人決選名單，主教練莊恩安達臣亦交代到今次的選人決定，直言希望給予幾位隨隊年輕球員機會。
港隊將於今次「東亞盃」面對中日韓三支亞洲勁旅，安帥認為是很好的機會，讓港隊備戰來年舉行的「亞洲盃」決賽周：「好期待可以同勁旅交手，我哋喺今次賽事被視為弱旅，因此係好好嘅機會，去搵出面對強敵嘅方法，為明年『亞洲盃』決賽周會遇到嘅情況作準備。」港隊於出發前一日，公布今次26人決選名單，除3位門將之外，後防球員人數接近大軍的一半，對此安帥解釋到：「我哋係需要好嘅後衞在陣，呢樣嘢唔使講，但我認為球隊每個位置都有足夠人腳儲備。」
「有潛質就應該揀入隊」
此外，今次大軍有6位「00後」入選，其中首入決選的趙聡悟年僅17歲，安帥表示希望給予小將們學習機會：「我係一位鍾意畀年輕球員機會嘅教練，後生仔渴望進步肯聽指令，佢哋係香港嘅未來，既然有潛質，就應該揀入隊，我會根據比賽形勢，再考慮派小將上陣。」■林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
