正式復操組軍工作大致完成 傑志友賽韓職勁旅備戰亞冠盃

新一季傑志繼續由足球總監朱志光擔任主教練，陣容方面，傑志則公布引入米基爾、艾華度及佐敦布朗，頂替早前離隊謝家強和朴俊炯等球員。「朱Sir」大讚米基爾活動範圍大，能夠加強傑志中場實力：「傑志呢套打法係適合佢，配合巴爾拿或基爾頓。」同時，「朱Sir」亦認為另一森巴戰將艾華度係「即時戰力」：「佢有身高，喺呢度踢咗咁多年，踢法上係適應香港。」至於佐敦布朗，「朱Sir」就希望此子能與丹恩奴域形成默契：「過往唔係太多人留意呢位球員，但我睇過佢表現，佢係一個出波幾急勁嘅球員，我希望佢嚟到可以配合到丹恩奴域。」

「朱Sir」表示不排除陣容仍有變動，惟他指組軍工作已大致完成。值得一提，早前與東方龍獅解約的前傑志兵費蘭度，是日亦出現在傑志中心進行訓練，「朱Sir」指他只屬跟操。

傑志將於8月19日，在日本埼玉舉行的「亞冠盃」16強面對巴吞聯，惟分組賽主力之一的陳晉一，早前離隊赴西班牙展開外流之旅，對於左閘位置的人選，「朱Sir」就對丹尼投下信心一票，認為這位老將有能力勝任：「丹尼有一定作用，佢有好多經驗。」此外西班牙中場巴爾拿亦需於16強戰停賽，「朱Sir」就透露會考慮將羅拔圖移入中場。至於安永佳、鄭展龍、趙聡悟、保羅、杜馬思和曾以行等幾位入選港隊初選名單的球員，若順利入選決選名單出戰「東亞盃」，將會先隨港隊作賽，然後直接到韓國與球隊會合。

為備戰「亞冠盃」淘汰賽，將於7月底赴南韓進行集訓的傑志，已落實會於當地進行5場熱身賽，對手包括楊州FC、首爾依戀FC、高陽KH、FC首爾及仁川聯，其中FC首爾和仁川聯皆屬南韓頂級聯賽球隊。對於南韓熱身賽的安排，「朱Sir」表示：「開頭定咗6場，我都驚密得滯，最後定咗5場，對手都係以往帶隊去集訓對過嘅球隊。」「朱Sir」認為比起「亞冠盃」分組賽前赴泰國集訓，今次前往南韓備戰時間更充裕，並將透過一系列熱身賽考察球員狀態，再決定「亞冠盃」淘汰賽大軍名單。