陳港斌起孖和富大埔捧盃

今場「地區打吡」吸引了多人入場，更有部分球迷選擇站在場邊打氣，氣氛相當熾熱，和富大埔主席林奕權亦有現身為球隊打氣。深水埗開賽初段形勢佔優，19分鐘更率先打破缺口，梁星耀禁區頂勁射破網，替球隊領先1比0。

落後的和富大埔隨即反撲，29分鐘，「綠戰士」葉佳左路開出角球，陳港斌尾柱抽射破網，追成1比1。易邊後大埔繼續搶攻，再憑陳港斌「插水式」頂入，為大埔鎖定2比1勝局。

後衞陳港斌今場個人梅開二度，賽後他不禁激動落淚：「過去呢啲英雄角色都唔輪到我做，但今次就係我囉。今日真係好開心，估唔到自己入兩球。」他表示自己目前正擔任足球教練，暫時仍未決定會否隨球隊升班。和富大埔主席林奕權則透露新季班費大約800萬，由前理文助教李恆匯擔任主教練，並確定將有兩名巴西新援加盟。至於深水埗主教練高俊基賽後亦確定球隊下季將會升班，他希望班費至少能籌集500萬，並承諾一定會「出足糧」，以鼓勵一眾年青小將繼續追夢。

另外，頭場高力北區對沙田的季軍戰，北區靠對方守衞的烏龍球先開紀錄，雖然沙田之後扳平1比1，但始終未能笑到最後，被北區羅俊仁破網，最終北區以2比1險勝摘季。■李浚湣報道