終極兩仗今午2時起開波 冠軍戰城大硬撼港大

衞冕冠軍港大上仗4強，憑鄒熹朗下半場初段的12碼，一球氣走浸大。剛隨港隊征戰「亞洲盃」外圍賽的小將余在言（Jesse），上仗因病只後備上陣，他坦言自己狀態未足：「喺泰國、印度同馬來西亞忙於訓練同比賽，但隔離7日乜都停晒，返到香港嘅時間表同之前好唔同，係有少少唔習慣，不過好彩呢刻都有跟港大同標準流浪練波。」作為上屆「大專盃」決賽MVP，Jesse希望今仗可以利用自身經驗及能力，幫助球隊實現兩連霸。

城大上仗4強同樣憑袁世傑的12碼小勝中大，相隔4年再次殺入決賽。陣中港超兵之一、效力冠忠南區的門將蔡子濤，直言對球隊表現感到滿意，尤其能夠保持零失球，令後防球員的信心增強不小。對手港大中前場擁有不少港超聯球員，攻力強勁，但首次出戰「大專盃」決賽的「子濤」並無懼色：「只要防守上保持集中，同隊友加強溝通，好有信心可以零封對手，為城大支持者踢一場精彩比賽。」

浸大繼上屆「大專盃」決賽後，剛在4強再次不敵港大，陣中效力香港U23的翼鋒林智豐，承認對士氣有一定打擊，但他希望大家能夠調整好心態，強調全隊皆以奪得季軍為目標。總結今屆「大專盃」，「豐仔」直言感到滿意：「好開心見到隊波不斷進步，比起之前淨係識死守，依家進攻更有威脅，入到4強算係達成季前目標。」

中大剛在4強止步，陣中效力晉峰的後衞曾仲楠坦言洩氣，但他指球隊上屆「大專盃」只得第7名，今屆能夠再次殺入4強已相當興奮，並要將功勞歸予教練團；提到季軍戰，「阿楠」提醒隊友一定要全力以赴：「大家要更集中防守，特別係浸大嘅兩邊側擊，心態要保持積極，任何情況都唔好放棄。」