昔日東方孫銘謙回歸強戰臺南市FC 東方龍獅爭出線盡拚！
「亞協盃」J組今日上演煞科戰，由東方龍獅於泰國武里南體育場，硬撼臺南市FC。首戰報捷的東方，上仗過後有多日時間作休整，養精蓄銳，全力出戰今場對決；至於上場告負的臺南市FC，為爭出線今仗非勝不可，戰意毋庸置疑，壓軸大戰一觸即發。（港台電視32周四晚6時直播）
抖夠出擊絕不輕敵
東方龍獅首戰以3比1擊敗理文，今場只要賽和就可以鎖定出線資格。賽前東方有5日時間休整，主教練盧比度（Chino）坦言賽程安排對球隊有利：「我哋可以讓球員好好恢復，為今場賽事作準備。」賽前踢少1場兼手握3分的東方，佔據晉級主動權，惟Chino認為現時所有球隊仍存在出線機會，呼籲球員切勿掉以輕心：「今場對手唔易應付，皆因『亞協盃』從來都唔易踢，我哋要好似應付首場比賽一樣，力爭好成績。」
好消息是坐完波監的孫銘謙，今場可以復出候命，Chino形容現時陣容不整情況下，此子重返大軍非常重要：「『孫銘』係我哋嘅關鍵球員，大家都知道我哋人腳唔齊，多一位球員幫到手係好重要，期待佢會有特別貢獻。」
至於「孫銘」亦對今場比賽非常期待：「上場喺觀眾席睇波，已經好渴望可以落場，希望今場可以同球隊一齊努力，攞到出線資格。」
嘉諾Sir望臺南贏番場
上場以1比3不敵理文後，臺南市FC今場一定要大勝才有出線機會，不過領軍的香港教練郭嘉諾，卻認為首要目標是全取3分：「上場比賽所有球員都竭盡全力，我為佢哋表現感到驕傲，今場贏幾多球唔重要，但一定要贏波。另外球隊為咗今次賽事好努力備戰，希望繼續喺亞洲賽場踢出應有風格。」兩軍曾於上屆分組賽交手，臺南市FC最終僅以1球不敵東方，「嘉諾Sir」表示對手今屆人腳有不少變動，雖然己隊部分職球員正受傷患及確診影響，需要繼續缺陣，但仍會盡力派出最強陣容應戰，力爭復仇。
至於上仗正選上陣的後衞蘇德財，坦言球隊上下為備戰今次「亞協盃」付出了很大努力，早前更特意提前赴泰國集訓及進行友誼賽，相信大家可以保持上場對理文的高度集中力。林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
