昔日東方演練戰術激活臺南市FC 嘉諾Sir目標創歷史！
即將於泰國武里南展開的「亞協盃」J組賽事，除了有東方龍獅和理文兩支港超球隊之外，還有由香港教練郭嘉諾領軍的臺南市FC。「嘉諾Sir」接受本報訪問時，透露球隊備戰情況之餘，亦分享執教球隊超過1個多月後的感想，並提到希望在今次亞洲賽，帶領台灣足球創造歷史。
為備戰今次「亞協盃」分組賽，臺南市FC於上周二已啟程前往泰國，進行賽前集訓，並多次約戰當地球隊「拍跳」，包括曾與泰國U19代表隊進行熱身賽，靠安以恩大演帽子戲法，以3比0擊敗對手。「嘉諾Sir」提到友賽的目的，同時對球隊表現作總結：「我哋喺台灣係主攻嘅球隊，部分對手對住我哋都會縮後防守，所以我哋喺泰國面對更強嘅隊伍，反而會訓練防守企位，兩場友賽我哋都冇失過波，準備都唔錯。」惟「嘉諾Sir」續指因球員確診新冠肺炎和出現傷病情況，陣容一直未能達至「夫添」狀態，或成今次征途的一大隱憂。
戰術執行力成突破關鍵
由抵台後完成隔離，到正式接手教鞭至今，「嘉諾Sir」已經與一班球員相處了超過1個月時間，他表示溝通上不成問題，亦談到對臺南市FC球員的印象：「佢哋係一班好年輕嘅球員，都好主動去問我嘢，佢哋好多人都冇出外踢過波，好想知道出面咩情況。」他認為當地球員與香港球員的一大分別，在於戰術變化的適應能力：「喺當地聯賽，佢哋針對對手嘅戰術係比較少同單一，當我同佢哋講戰術變化時，佢哋需要較長時間適應。」「嘉諾Sir」提到完成台灣企業聯賽首階段賽事後，球隊有足夠時間進行戰術演練。
有信心分組賽出線
過往「嘉諾Sir」曾擔任港隊教練，亦執教過多支港超球隊，今次於「亞協盃」要面對香港球隊，他坦言自己未有太深感覺：「無論我帶領任何球隊，去到亞協都係要爭取佳績。」去年中華台北代表隊於「亞洲盃」外圍賽第2圈附加賽，遭印尼淘汰止步，「嘉諾Sir」認為當地球員見到不少鄰近地區的代表隊，成功打入「亞洲盃」決賽周後，都感到震撼：「佢哋都希望台企球隊，可以喺亞洲賽舞台發光發亮，呢個都係我嚟到之後想做嘅嘢。」
臺南市FC上屆「亞協盃」首嘗參賽滋味，「嘉諾Sir」表示球隊總結上次經驗後，今次是時候衝擊晉級資格：「以我哋球員現時狀態，今屆分組賽係有機會爭出線。」至於如何取得突破，「嘉諾Sir」表示關鍵在於球隊能否執行賽前部署：「泰國呢度天氣都幾熱，中立場比賽，邊隊都唔會有着數，希望球員可以做到我嘅戰術安排，為台灣足球創造歷史。」文：林卓臻
■（臺南市FC Fb圖片）
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
