理文飛泰國備戰亞協盃

理文上屆成功殺入跨區決賽，今次出戰分組賽亦被看高一線，「曉明Sir」認為理文職球員都需要將壓力轉化成動力：「包括早前附加賽贏波，大家都會話我哋發揮未夠好。球迷要求高，皆因我哋真係愈踢愈好，對我哋有更大期望，所以我哋都要保持高度自我要求。」

理文近期頻頻踢熱身賽，包括早前與港隊U23拍跳催谷狀態，「曉明Sir」透露去到泰國將轉以恢復性訓練為主，會否約戰當地球隊踢熱身賽，則要視乎傷兵恢復程度。近期隨港隊出戰「亞洲盃」外圍賽的幾位主力，將與理文大軍在泰國會合，惟除了余煒廉之外，迪高和顏樂楓等人在港隊的上陣時間都不多，「曉明Sir」承認對他們的狀態感擔心：「唔知道佢哋身體情況如何，都要等佢哋歸隊後，透過訓練再作進一步了解。」

此外，荷西安祖今次因傷未有隨隊，「曉明Sir」承認缺少這位西班牙守將，難免會減少後防人腳調動的空間：「上次附加賽對蒙古球隊，我哋需要多少少進攻球員。今次理文與對手實力會更接近，我哋更需要取得攻守平衡，冇咗一位正選中堅，肯定會有影響。」林卓臻報道