莊恩安達臣為球員驕傲

莊恩安達臣表示，港隊今仗製造不少進攻機會，只差臨門一腳：「港隊同印度都踢咗場好波，我哋勇於逼搶同組織攻勢，尤其是上半場表現出色，只係門前差啲運氣。」安帥喜見港隊令對方防線帶來不少麻煩，但上半場兩番失守，皆因防守經驗尚淺，有必有吸取教訓。

總括港隊在今次賽事的表現，安帥非常滿意，坦言為球員感到驕傲。他提到多位主力缺陣下，球員仍能夠實踐新踢法，更達成出線目標，實屬不易：「我哋主動進攻同製造機會，呢種踢法唔同以前嘅穩守突擊，我非常滿意。」

距離「亞洲盃」決賽周尚有一年時間，港隊備戰安排令人關注，不過安達臣認為最重要港超重開：「聯賽停擺我可以做乜呢？球員唔比賽，我就冇機會睇到佢哋嘅表現；希望聯賽重開之時，有新球員可以冒起，等我可以改進現時呢隊波。」下月於日本舉行的東亞盃決賽周賽事會是絕佳實戰機會，對此安帥表示：「如果可以保留現時原班人腳，我相信球隊會繼續進步，屆時有機會再贏波。」完成「亞盃外」之旅，港隊今日途經泰國曼谷，啟程返港，不過安達臣將會留在泰國，向出戰「亞協盃」賽事的港隊成員進行視察。