香港U23將帥齊拍片「最緊要做好基本功」

香港U23今次派出陳潤潼、馬文政、鄧筵霑和林智豐4位球員，以及主教練張健峰，協助製作示範影片。在過去一季港超賽場，香港U23的教練或球員都需要應付各種挑戰，在接受主持Cathy訪問期間，「張峰」承認要帶領球隊以「全華班」應戰，難度不少，但認為這個平台對年輕球員非常重要：「對年輕球員嘅發展係非常之好，只要佢哋落到場，就會有進步，球隊嘅宗旨就係畀佢哋發展同比賽。」

至於球員馬文政，就鼓勵初接觸足球運動的小朋友，要專注打好根基：「將來學嘅所有戰術，都係由基本功而起，希望大家喺學習踢波嘅時候，都學到團隊合作精神，同埋唔好輕易放棄等道理。」在「張峰」講解下，幾位球員其後就示範出正確拉筋動作，以及各種有球熱身運動，最後更展示一對一對抗等更進階的訓練及挑戰。