隻身飛印度打氣 看台上以一敵萬 港隊球迷Jason：驚都要撐！

早前錯過一睹愛隊傑志在「亞冠盃」出線的歷史性時刻，Jason不容再留遺憾，毅然請假放下IT工作，隻身前往印度觀看亞盃外賽事。除了比賽日，他大部分時間選擇獨自留在酒店，避免「中招」。由2009年東亞運決賽認識港隊，2015年世盃外後正式成為死忠，Jason認為今次親眼見證港隊在國際賽有出色表現，絕對值回票價：「球隊有咁多球員受傷、水土不服同確診之下，竟然可以兩連勝。作為球迷，賽前只期望港隊踢場好波就算。」Jason續指港隊球員賽後特意前來觀眾席拍掌致謝，令他開心又感動：「球員感受到我嘅支持、知道我嘅存在，一切都冇白費。」

雖然孤身一人為港隊吶喊助威，Jason坦言不太介懷：「我知道一定好多球迷想嚟，雖然佢哋嚟唔到，唔代表唔撐港隊。」今晚硬撼東道主印度，Jason笑言希望港隊賽前可以篤定出線，以確保自己人身安全：「場內坐滿印度球迷，得我一個港隊粉絲，都咪話唔驚。如果港隊一早出線嘅話，相信我嘅心理壓力冇咁大。」Jason最希望球迷不論往後成績，都要繼續撐港隊：「畀多啲正能量香港球員，香港人都唔撐港隊，仲有邊個撐佢哋呢？」■■李浚湣報道