ＪＳＲ開班「追女仔」比喻創意之道

今屆課程一直受疫情影響要作「網課」，幸隨着情況緩和實體課堂得以恢復。作為首位授課導師，「Marco Sir」寄語學員在處理新聞時要着重創意，才能吸引讀者。「Marco Sir」直言年輕人總有「諗頭」，只是未「拎出嚟用」，他用「談戀愛追女仔」引喻，笑言過程中必會用心籌劃驚喜氹另一半開心，印證「有心做一件事就會有趣」。

談及創意要點，「Marco Sir」就以「廢、行、錯、平、重覆」這些反面教材，希望同學避免犯錯：「冇悶嘅題材、只有悶嘅寫手，要盡力發掘新聞有趣切入點。如果唔用腦，一件有趣嘅事都可以變得悶。」Marco在課堂上即席要求學員講出「女班長」石芷希一個特點，啟發他們如何有趣地帶出訊息。

現時社交媒體資訊泛濫，「唔善良說話」往往流傳得最快，作為記者一定要帶着「善心」去報道，同時亦要做到「公正但有趣」。最後「Marco Sir」以一個「算」作結，提醒學員不能心存此字，若遇上困難輕言放棄，只會阻礙自己進步。

香港賽馬會會員、市場策略及品牌事務執行總監甄康民亦有到場為學生打氣，他直言計劃不只希望為香港體育界培訓新血，更希望學員透過課程增值自己，建立不一樣的人生。■■司徒子文報道