大港腳集訓壓力大到瞓唔着

Ivan上季加盟冠忠南區後表現相當穩定，隨即站穩球隊正選位置，早前更被港隊選入「亞洲盃」外圍賽本地集訓名單，年僅19歲的他坦言感到十分意外，更透露在首操前感到很大壓力：「始終第一次跟大港腳練波，老實講前一晚有啲瞓唔着，同埋行入FTC嗰陣心情都幾沉重；另外初頭練習都會有啲唔適應，好彩「阿輝」（葉鴻輝）同「阿袁」（袁皓俊）都睇住我。」雖然上季成功打出名堂，但Ivan承諾不會因此自滿，之後會繼續在場內、外做好自己。