4奪冠軍跳出舒適圈 吳卓蔚轉投新軍尋突破

還記得「阿Mi」前年9月獲台灣球隊台中藍鯨青睞，成為首位外流木蘭聯賽的港將，為當時沉寂的香港球圈帶來一陣衝擊。

上季她協助藍鯨第4度奪標，但翌季竟轉投新成立的桃園戰神，她亦承認當初決定勇敢：「同球隊完約後，自己想搵其他挑戰，因為我想去一支相對弱嘅球隊，作為龍門挑戰性都大啲。」桃園戰神其後在季前賽取得木蘭聯賽參賽資格，「阿Mi」遂成球隊首席門將。

「弱隊出勁龍」這個道理，驅使「阿Mi」由做門前遊手好閒的一位，變為左飛右撲的一位，鍛煉到的不僅撲救技術，還有其腳下功夫：「台灣無論邊個位都好重視個人技術，以前會覺得做龍門用好對手就得，但呢度要求龍門具備埋場區球員嘅腳法。」

雖然桃園戰神目前在聯賽遭逢連敗，但反觀香港女子聯賽自1月後停擺至今，或者在台灣可以無間斷地比賽的「阿Mi」已是最幸運的一位。「之前見到香港比賽腰斬都好傷心，反而覺得想踢埋佢哋嗰份！」執筆之時正值亞運宣布延期，對於今年一直備戰亞運的女子隊而言猶如一場噩耗。「喺呢邊一直冇受到封場影響，都真係冇揀錯呢條路。」「阿Mi」堅定的說。

「阿Mi」兩年前外闖的決定，雖然做得突然但絕不草率，即使要放下在香港的副業仍然無悔：「難得有呢個機會，點解唔試？就算最後真係唔得，返嚟香港人生都可以繼續。」踏入旅台第3年，她的征途還在延續，問到她認為自己可走多遠時，她說：「留得到就梗係一直留，但如果又有機會可以去其他國家，我都會想去，但暫時想喺台灣達成自己嘅目標先。」值得一提的是，今年稍後「阿Mi」可能不再感孤單，她透露季中可能再會有香港女將到台灣踢足球：「之前有舊隊友問有冇機會過嚟踢，我都有同老闆傾過，呢度就留番啲神秘感先啦！」