昔日東方跟腱斷裂做手術今季收咧 張小倫巴黎奧運再鍊過
在大獎賽仁川站不慎受傷的香港男子花劍隊「大師兄」張小倫，經過醫生診斷後證實左腳阿基里斯肌腱斷裂，並於昨晚進行手術，預計養傷3至6個月，今季最後兩項比賽——亞錦賽及世錦賽都無法爭逐，但他坦言會堅持到2024巴黎奧運。
張小倫周二晚回港，由於早前已向衞生署申請，因此他抵港後直接由機場送往醫院的隔離病房，經過磁力共振檢查後，證實左腳阿基里斯肌腱完全斷裂，需要進行手術：「受傷係由於長期勞損造成，預計幾個月先至好番，我會努力做康復治療。」這是張小倫自2012年椎間盤突出之後，運動生涯第二次嚴重受傷，亦是他人生中首次進行手術。
無緣出戰今年兩大賽
這位36歲的「大師兄」亦在個人社交平台，答謝團隊及隊友連月來的照顧：「終於完晒我哋呢個搬搬抬抬，飛來飛去，居無定所嘅旅程。多謝大家呢幾個月唔嫌棄我煩，而且要你哋照顧我，抬我返嚟。」因為要施手術令張小倫不得不放棄6月南韓首爾舉行的亞錦賽及7月中開羅上演的世錦賽，但他坦言在精神上仍然會與港隊一齊拚。
雖然提早「收咧」加上年紀漸長，但張小倫未言退，希望可以協助劍隊完成亞運會，甚至是2024年巴黎奧運會：「坦白講，參加奧運嘅機會唔大，依家劍隊人才濟濟，最重要反而係協助佢哋備戰。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
