完成泰國集訓兼拍跳 黃偉國︰好攰但好爽

自政府在年初疫情下實施「封場令」，連同本地五人足球聯賽亦需要暫停，一眾球員可謂餓波已久。今次遠赴泰國集訓，能夠有機會與當地泰超球隊「拍跳」，港隊成員黃偉國當然相當珍惜：「好爽，雖然咁耐冇踢比賽覺得好攰，但係又想踢多啲，搵番個比賽狀態，暫時恢復得唔錯，大約7至8成左右。」「阿國」續指泰超球隊無論上腳、射門、組織同樣非常快，與亞盃外對手實力接近，屬於一次很好的體驗，希望大家可以藉此適應比賽壓逼感及節奏，踢出屬於港隊的風格。

身處東亞區的港隊，昨日啟程前往比賽地點馬來西亞，準備於5月17日至21日與另外4支代表隊日本、中華台北、南韓及蒙古進行單循環賽，小組頭3名得以出線，躋身9月舉行的「亞洲盃」決賽周。李浚湣報道